Kreu i SPAK-ut, Altin Dumani i shoqëruar me disa nga prokurorët e strukturës që drejton vazhdon takimet në SHBA. Asistent Sekretari Amerikan i Shtetit për çështjet e Europës dhe Euroazise, Jim O’brian pas takimit me prokurorët shqiptarë nën praninë e ish-ambasadores Yuri Kim ka shprehur mbështetjen e plotë për reformën në drejtësi.
“I kënaqur që takova shefin e SPAK-ut, Altin Dumanin. Është mbresëlënëse të shohësh reformën në drejtësi që jep rezultate reale për popullin shqiptar, duke treguar me veprime se askush nuk është mbi ligjin. SHBA do të vazhdojë të mbështesë fuqishëm reformën në drejtësi, e cila është thelbësore për të ardhmen e Shqipërisë në BE” shkruan O’Brien.
