Mesditën e sotme në Tiranë është zhvilluar një protestë mbështetje pro Palestinës. Një grup qytetarësh u mblodhën në sheshin “Skënderbej” me parulla dhe thirrje për paqe. Protesta u shoqërua me thirrje nga qytetarë dhe aktivistë të cilët njëzëri kërkonin fundin e luftës në Gaza.
“Të ndalet dhuna për fëmijët një herë, është një dramë që po e përjetojmë jo vetëm ne por gjithë bota. Ajo që po ndodh atje është gjenocid, është shfarosje” ishin disa nga thirrjet e tyre.
Tubimi nisi në sheshin “Skënderbej” dhe më pas protestuesit marshuan deri sheshit “Nënë Tereza”. Ky është tubimi i dytë që zhvillohet në Tiranë me thirrjet për t’i dhënë fund luftës në Gaza.
