Kreu i Partisë Demokratike, Sali Berisha, gjatë fjalës në Kuvend, bëri thirrje për protestë më 8 maj, duke ftuar qytetarët dhe të rinjtë të dalin në shesh për të reaguar ndaj situatës ekonomike të vështirë dhe sfidave të jetës së përditshme në Shqipëri.
“Siç e tregojnë raportet ndërkombëtare, të rinjtë nuk kanë mundësi të ndërtojnë jetën e tyre këtu. Kur një të ri i duhen dekada pune për të blerë një apartament, ndërkohë që korrupsioni dhe pasuritë e pajustifikuara vazhdojnë të lulëzojnë, kjo është padrejtësi. Prandaj i bëj thirrje çdo të riu dhe çdo prindi: më 8 maj, dilni në shesh për të ardhmen, për jetën dhe sigurinë e fëmijëve, për paga më të larta dhe shërbime publike më të mira.”
