Një aksident ka ndodhur rreth mesditës së sotme në dalje të qytetit të Peshkopisë.
Nga përplasja e dy mjeteve kanë mbetur të lënduar 4 persona.
Sipas asaj që raporton policia Juljan Hima, drejtues i makinës tip Mecedes, ka goditur mjetin BMV, me shofer Fehim Gjiza.
Për pasojë kanë mbetur të lënduar Muhamet Zeneli dhe Pëllumb Shkurta, të dy pasagjerë në mjetin BMV, si dhe drejtuesi i makinës Fehim Gjiza , gjithashtu dhe drejtuesi i Mercedesit, Juljan Hima.
Raportohet se të katërt personat janë jashtë rrezikut për jetën ndërkohë grupi hetimor po kryen veprimet për zbardhjen e rrethanave të aksidentit.
