Kryeministri i Kosovës, Albin Kurti nga Parisi ka folur sërish për idenë e ndryshimit të kufijve në Ballkan. Ai thotë se ndonëse si plan ka dështuar, si ide ende është gjallë te udhëheqësit e Serbisë.
“Beogradi ka qenë jo fort i lumtur me shpërbërjen e Jugosllavisë që vetë e ka shkaktuar. Tani jetojmë në një epokë ku ky projekti i këmbimeve të tokave dhe territoreve ka dështuar, por besoj që ideja ende s’ka vdekur.
Dhe e shoh shumë shpesh kudo që takohem dhe dëgjoj presidentin e Serbisë që flet publikisht apo angazhohet në diskutime në dialog në Bruksel sepse kjo fantazia mund të mos jetë reale në kuptimin e realitetit faktik, por që e kushtëzon të menduarit, sjelljen apo veprimtarinë e palëve.
Njerëzit që kanë parë ëndrra për shumë vite për ndarjen e Kosovës e këmbimin e ndryshimin e kufijve është shumë e vështirë për ta që të braktisin këtë nostalgji e trishtim dhe të angazhohen në zgjidhje që do të ishin demokratike e europiane”, ka thënë Kurti.
Ai ka përmendur edhe ish-presidentin Hashim Thaçi si përkrahës të kësaj ideje. “Ka pasur homolog edhe në Kosovë nga një prej paraardhësve të mi, sepse në atë kohë është parë si një rregullim i shpejtë, korrigjim i shpejtë midis liderëve autoritarë që flasin për popullin si familjet e tyre dhe shtetet si prona private” tha ai.
Kurti: E pranoj pjesën e përgjegjësisë që më takon për stabilitet afatgjatë
