Drilon L., 26-vjeç, Eliona B., 44-vjeç dhe Areklon Z., janë 3 shtetas shqiptarë të arrestuar në Belgjikë që rrezikojnë nga 6 vite burg për trafik klandestinësh me varkë në Detin e Veriut, nga një gjykatë belge.
Ngjarja ka ndodhur më 20 shtator të vitit 2022, ku roja bregdetare arriti të nxjerrë në breg gjashtë burra dhe një grua refugjatë pas një operacioni shpëtimi.
Varka drejtohej nga Drilon L., i cili kishte udhëtuar nga qyteti i Liège me një furgon për në De Panne.
Furgoni tip “Mercedes” drejtohej nga bashkatdhetaria e tij Eliona B. 44-vjeçarja ka deklaruar për autoritete belge se urdhrin e kishte marrë nga Areklon Z., dhe se do të merrte 200 euro për këtë shërbim.
Sipas mediave belge, vendimi për tre shqiptarët do të jepet më 3 janar të vitit të ardhshëm.
