SPAK do të kundërshtojë në Gjykatën e Lartë lirimin e Jamarbër Malltezit nga Gjykata e Posaçme e Apelit.
Prokuroria e Posaçme do t’i bëjë rekurs vendimit, pra duke kërkuar rikthimin e Malltezit në burg për dosjen “Partizani”.
Ai u lirua dje. Malltezi akuzohet për korrupsion dhe pastrim parash. Gjyqtarja Iliriana Olldashi vendosi ta nxirrte në arrest shtëpie.
Por SPAK thotë se nuk ka ndryshuar asnjë rrethanë. Beteja vazhdon në Gjykatën e Lartë.