Aventura e Idriz Bathës në Arabinë Saudite zgjati vetëm 4 muaj.
Mesfushori ka njoftuar largimin nga klubi i Al-Najma, i cili luan në ligën e dytë Arabe, nëpërmjet një postimi në rrjetet sociale.
31-vjeçari kishte kontratë me arabët deri verën që vjen, teksa gjithçka është zgjidhur me konsensus. Përpara se të kalonte në Arabinë Saudite, Batha ishte pjesë e UTA Arad për dy sezone në elitën e Rumanisë.
Mesfushori ka nisur hapat e parë tek Parizani, më pas ka luajtur me Besën, Teutën dhe Flamurtari.
Rikthimi i tij tek Partizani spikati vite më parë ku mori dhe shiritin e kapitenit.
Gjithashtu ka luajtur dhe me Tiranën ku fitoj titullin në sezonin 2019-2020, si dhe u shpall lojtari më i mirë i atij sezoni.
“Faleminderit Al Najma. Një eksperiencë e shkurtër, por që do të mbetet gjatë në memorien time. Ju uroj shumë suksese dhe gjithë të mirat”, shkruan Batha në mesazhin e lamtumirës.
