Ministri i Brendshëm Taulant Balla, ka reaguar pak minuta pas arrestimit të Gëzim Çelës, i njohur edhe si “baroni i drogës”.
Balla thekson se askush nuk do t’i shpëtojë forcës së ligjit duke përgëzuar Policinë e Shtetit.
“Forca e ligjit do të godasë mbi këdo dhe pandërshkueshmëria do të marrë fund ndaj kujtdo që kujton se do të vazhdojë t’i fshihet drejtësisë. Përgëzoj Policinë e Shtetit, e cila në bashkëpunim me një agjenci të rëndësishme partnere dhe me strukturat ligjzbatuese të Republikës së Kosovës kanë bërë të mundur arrestimin e shtetasit Gëzim Çela, një person i dënuar dhe i kërkuar prej shumë kohësh nga drejtësia në Shqipëri”, thotë Balla.
