Del pas 9 orësh nga SPAK, Beqaj: Sugjerova për hetime shtesë

Ish-ministri i Shëndetësisë Ilri Beqaj ka dalë nga ambientet e SPAK ku qëndroi prej rreth 10 orësh.

Ai është paraqitur në SPAK mëngjesin e sotëm në ambientet e prokurorisë së Posaçme që prej orës 09:00 për t’u marrë në pyetje si person që ka dijeni mbi koncesionin e sterilizimit.

Beqaj është dënuar me detyrim paraqitje dhe i është ndaluar dalja jashtë shtetit. Ai duhet të paraqitet çdo të premte pranë ambienteve të SPAK-ut por mesa duket i është dashur të jetë i pranishëm dhe sot, arsyet nuk dihen ende.

Ilir Beqaj paraqitet në SPAK, parkon gabim dhe policia e gjobit (FOTO)

“Sic e dini që nga data 20 nëntor jam një person në hetim për sterilizimin. Patëm një seance pyetjesh me OPGJ.

Kryesisht për ato gjëra që jam pyetur më parë. Bashkë me avokatin kërkuam që të bëhen dhe disa veprime hetimore shtesë… për kohën kur unë nuk kam qenë ministër,” tha ndër të tjera Beqaj para gazetarëve.