Prokuroria e Posaçme kërkon 3.6 vite burg për ish-kryetarin e Bashkisë Bulqizë, Lefter Alla. SPAK e akuzon Allën dhe zyrtarë të tjerë të bashkisë kanë ndërmarrë veprime aktive të kundërligjshme për paracaktimin e fituesit në një tender për një ujësjellës me vlerë 2.8 milionë euro, pa përmbushur kriteret.
“Rezulton e provuar se zyrtarët e Bashkisë Bulqizë, konkretisht shtetasit Lefter Alla, Enkeleda Lleshi, Rubin Kola, Arsen Gjoka, Kujtim Zogu, Denis Xholi, Leonard Daçi dhe Erjon Isaku në bashkëpunim me njëri–tjetrin për arsye të njohjeve apo lidhjeve me te hetuarin Rasim Daci, i cili është përfituesi ‘de jure’ i tenderit dhe të hetuarin Aqif Konesha, i cili është përfitues ‘de facto’ në tenderimet e kryera nga ana e Bashkisë Bulqizë, i kanë privilegjuar ata, duke krijuar avantazhe për këto dy subjekte…” tha SPAK.
