Mediat greke kanë zbardhur dëshminë e një prej të rinjve që u qëllua me armë nga dy persona, të cilët dyshohet se janë shqipatrë.
Ngjarja ndodhi në Kretë, ndërsa një prej grekëve që u qëllua në dëshminë e tij ka treguar gjithçka çfarë ndodhi para të shtënave.
“Ne nuk i njihnim dhe nuk kishim ndonjë dallim me ta. Ne ishim ulur në një dyqan në zonën e Gazit, kur një xhip kaloi me shpejtësi, shkeli një pellg dhe na hodhi ujë me baltë. Ne kemi reaguar duke bërtitur “hej çfarë po bën?”. Nuk kemi bërë asnjë lëvizje tjetër që do të “shkaktonte” zemërimin e shoferit dhe pasagjerit të makinës,” mësohet të ketë thënë ai.
“Pak metra më vonë xhipi ndaloi, dy të panjohurit zbritën dhe na pyetën pse, duke pretenduar se i kemi sharë. Ne reaguam sërish dhe më pas njëri prej tyre nxori armën dhe na qëlloi,” raportojnë mediat greke.
