Një 19-vjeçar është kapur teksa transportonte 6 emigrantë Iranianë drejt Shkodrës, ku më pas do të kalonin kufirin drejt Malit të Zi.
Policia e Durrësit ka prangosur të riun Olsi Elezi.
Ky i fundit u kishte kërkuar emigrantëve nga 300 euro secilit për t’i transportuar drejt Shkodrës. Arrestimi i tij, u bë i mundur vetëm pas një aksidenti në të cilin u përfshi.
Automjeti me të cilin po transportonte emigrantët, u përplas nga 28 vjeçari Ervin Goduni, i cili po ashtu u vu në pranga për shkelje të rregullave të qarkullimit.
Aksidenti ka ndodhur në rrugën Tiranë-Durrës. Ndërsa për pasojë i riu 19 vjeçar së bashku me një prej emigrantëve që transportonte, morën dëmtime të lehta.