Qeveria njoftoi sot se ka nisur zbatimi i programit të kredive të favorshme për shtëpi për familjet e reja të mjekëve, ushtarakëve dhe punonjësve të Policisë së Shtetit. Prioritet kanë familjet e reja. Nga 40, kufiri i përfituesve do të vendoset 45-vjeç.
Kryeministri Edi Rama deklaroi se ky është vetëm fillimi i një rruge të re mbështetjeje afatgjatë për familjet e reja të atyre që i shërbejnë ditë-natë shtetit dhe qytetarëve të Republikës së Shqipërisë.
