Fifi performoi një këngë live në gjysmëfinalen e “Dancing With The Stars”, por surpriza e madhe erdhi në fund të performancës. Adisi u shfaq papritur në skenë me një unazë në dorë.
“Je shumë e bukur, a do të martohesh me mua”, pyeti Adisi mes lotësh Fifin dhe përgjigja e saj ishte padyshim “Po”.
Këngëtarja, të cilës nuk i merrte mendja se do të merrte një propozim të tillë publikisht, falënderoi Adisin për “çdo ditë të jetës që i jep dashuri”.
“Nuk e prisja kurrë në jetë, sepse Adisi nuk ka shumë qejf të dalë në televizion, edhe ta bënte këtë gjë këtu… edhe më ka thënë më parë që kur të të propozoj, do të jetë diçka shumë e bukur dhe spektakolare”, shtoi ajo
Filloreta Raçi dhe Adis Patushi janë në një romancë prej gati dy vitesh. Ndërsa në prill të këtij viti, çifti sollën në jetë një djalë, që e pagëzuan me emrin Theo Mal.
