Zbardhen detaje të reja nga ngjarja e rëndë që ndodhi mesditën e sotme në fshatin Çellopek të Komunës së Bervenicës, në rrethinë të Tetovës, ku kanë mbetur të vrarë dy persona dhe dy janë plagosur. Policia ka ndaluar personin që dyshohet për vrasjen e dyfishtë.
“Sot nëpunës të SPB Tetovë, në Çellopek, e kanë ndaluar personin I.I të moshës rreth 60 vjeçare, duke vepruar në thirrjen e qytetarëve, pasi i njejti dyshohet se ka vrarë dy persona dhe një ka lënduar. I dyshuari gjithashtu është lënduar me plagë të armës së zjarrit.
Në vend ka shkuar policia e Tetovës dhe kanë siguruar vendin e ngjarjes, ku edhe do të sigurohen kushtet për hetuesinë për të hetuar në tërësi ngjarjen” i tha Telegrafit në Maqedoni, Marjan Josifovski, zëdhënës i Sektorit për punë të Brendshme në Tetovë. Paraprakisht dyshohet se vrasja ndodhi pas sherrit për një vend parkimi.
