Ish-kryeministri Sali Berisha para godinës i kërkoi Gjykatës së Lartë që t’i rikthejë vulën e PD-së. Ai tha se Edi Rama i ka vjedhur simbolin opozitës dhe po i burgos liderin.
“Gjykata sot do të vendosë për masat ndaj Sali Berishës. Mirë dakord u shkel Kushtetuta duke kërkuar heqjen e lirisë për Sali Berishën pa kaluar në Kuvend. Pse duhet mbyllur Sali Berisha brenda? Vetëm sepse i ka kallur tmerrin datën Edi Ramës. Pse u dashkan ndaluar komunikimet publike të Sali Berishës.
Pak vite më parë zonja Rama mblodhi gazetarët dhe u lexoni fjalimin e gjilpërave të helmuara. U tha se ju me artikujt tuaj i bëni gjilpëra helmi burrit tim dhe mua. Denoncimet tona i ka si helm. Mendojnë se duke më hequr të drejtën e komunikimit do të shpëtojnë nga kritikat dhe sulmet e merituara” tha ai.
