Një ngjarje e rëndë ka ndodhur në qendër të Fierit mbrëmjen e sotme ku mësohet se një person ka mbetur i plagosur pas konfliktit me patrullën e policisë.
Sipas njoftimit të policisë ngjarja ka ndodhur pas një konflikti mes patrullës së policisë dhe 26-vjeçarit, ku ky i fundit ka dalë nga automjeti dhe ka qëlluar efektivin e policisë me grushte në fytyrë duke i shkaktuar dëmtime të rënda në fytyrë dhe në gojë.
Polici plagosi 26-vjeçarin në Fier, njoftimi: I riu goditi me grusht në fytyrë efektivin
“Fier/Informacion paraprak
Rreth orës 19:20, në vendin e quajtur “Ish globi”, në qendër të qytetit të planizuar me shërbim, shërbimet e Policisë kishin bllokuar një segment rrugor për zhvillimin e një koncerti.
Shtetasi D. B, 26 vjeç duke drejtuar një automjet tip “Volkswagen” është afruar te punonjësit e Policisë dhe ka tentuar të futet në rrugën e bllokuar.
Punonjësit e Policisë nuk e kanë lejuar të futet brenda perimetrit të sigurisë dhe në atë momentet shtetasi D. B., ka dalë nga automjeti dhe ka qëlluar me grushte në fytyrë duke i shkaktuar dëmtime të rënda në fytyrë dhe në gojë.
Inspektor Sh. J., në kushtet e vetëmbrojtjes ka qëlluar me armën e shërbimit duke e plagosur në këmbë shtetasin D. B.
Menjëherë pas marrjes së njoftimit kanë ndërhyrë shërbimet e Policisë të cilët kanë dërguar menjëherë për në spital për ndihmë mjekësore shtetasin D. B., i cili ndodhet jashtë rrezikut për jetën.
Ndërkohë është shoqëruar në spital për ndihmë mjeksore dhe punonjësi i Policisë, shtetasi Sh. J. dhe pas marrjes së ndihmës mjekësore është shoqëruar në Komisariatin e Policisë për veprime të mëtejshme.
Të gjitha veprimet po kryhen nga Agjensia e Mbikëqyrjes Policore në drejtimin e Prokurorisë për shmangur konfliktin e interesit.
Në përfundim të veprimeve hetimore, AMP do të japi informacion të zgjeruar në lidhje me këtë ngjarje,” thuhet në njoftimin e policisë.
Të shtëna me armë zjarri në Fier, polici plagos të riun pas një konflikti
