Policia e Vlorës ka vënë në pranga dy persona. Sipas policisë në pranga ka rënë 36-vjeçari banues në Vlorë pasi ka drejtuar automjetin në gjendje të dehur, më pas ka humbur kontrollin dhe si pasojë ka dalë nga rruga.
Gjithashtu është arrestuar edhe 38-vjeçari po banues në Vlorë, pasi është konstatuar në timon në gjendje të dehur.
DVP Vlorë -informacion
Specialistët e Sektorit të Policisë Rrugore të DVP Vlorë arrestuan në flagrancë shtetasit:
36- vjeçari, banues në Vlorë, pasi ditën e djeshme, duke drejtuar automjetin, në gjendje të dehur, ka humbur kontrollin dhe si pasojë automjeti ka dalë nga rruga, duke shkaktuar dëme materiale;
38- vjeçari, banues në Vlorë, pasi ditën e djeshme, është konstatuar nga shërbimet e Policisë, duke drejtuar automjetin, në gjendje të dehur.
Materialet procedurale i kaluan Prokurorisë, për veprime të mëtejshme.
