Një 29-vjeçar është arrestuar në Elbasan, kjo pasi i riu nuk iu bind urdhrit për të ndaluar automjetin.
Nga informacionet e para mësohet gjithashtu se i arrestuari është personi me inicialet K.K., banues në Përrenjas, ky i fundit është kthyer me sharje dhe ofendime kundrejt policëve si dhe kërcënime, çka ka sjell arrestimin e tij.
Ndërkaq, në Librazhd, “Policia arrestoi në flagrancë shtetasin K. B., 22 vjeç, banues në Librazhd, referuan materialet në Prokurori ku nisi procedimi në gjendje të lirë për vëllanë e shtetasit K. B., një shtetas 15 vjeç, si dhe shpallën në kërkim shtetasin A. B., 50 vjeç, banues në Librazhd, pasi të tre kanë vjedhur disa materiale të hekurudhës, në fshatin Dragostunjë. U sekuestruan materialet e vjedhura, ndërsa vijon puna për kapjen e 50-vjeçarit”– thuhet në njoftim.
