Deputeti i PD-së, Saimir Korreshi deklaroi sonte në emisionin “5Pyetjet nga Babaramo” se në dosjen shqiptare të ish-agjentit të FBI-së, McGonigal pret që të zbulohet roli për shkatërrimin e opozitës shqiptare.
“Më i rëndësishëm është deklarimi që ka thënë ai, flasim për një kryeministër shqiptar, përfshirja dhe lakimi drejtpërdrejt, hyrja në kryeministri dhe mburrja për miqësi të jashtëzakonshme. Tani do të shohim se cfarë ka thënë për këtë pozicion. Duhet parë si ka qenë marrëdhënia me Ramën dhe sa ka ndikuar në shkatërrimin e opozitës shqiptare.
Pyetjet që mund të kisha për McGonigal;
Marrëdhania që ka pasur me Ramën dhe kur është takuar?
Çfarë axhende kishin programuar bashkë?
Por përse opozita nuk i mori frytet e kësaj beteje? “Tek ne nuk ka ngjitur për shumë motive, por kryesorja bërja sallatë e opozitës. Nëse opozita do të ishte në të tjera dimensione do të kishim të tjera rezultate sot”.
Korreshi tha më tej se Gazment Bardhi si kallëzues në SPAK për këtë dosje nuk ka pranuar që të japë detaje. “I jemi drejtuar kolegut Bardhi për detaje, por tha kam firmosur për shkak të sekretit hetimor. Ka firmosur që të mos përhapë atë që prokuroria i ka thënë” tha ai.
Ish-prokurori Beci: 6 pyetjet që do t’i bëja McGonigalit për lidhjen me Shqipërinë
