Juventusi u tregua “i rezervuar” gjatë merkatos së janarit duke mos dashur të afrojë ose të përmendi shumë emra si objektiva të klubit, ku arsyeja kryesore ishte ruajtja e bilancit ekonomik, Aq më tepër mos pjesëmarrja në kupat e europës nuk lejonte “luksin” e transferimeve me emër nga “zonja e vjetër”.
Gjithsesi, kjo nuk do të thotë se bardhezinjtë nuk kanë qenë aktivë në merkato, përkundrazi. Siç raporton “TuttoSport”, drejtori Kristiano Xhuntoli ka punuar mirë për perspektivën dhe dy goditje për në verë duken në kasafortë.
I pari mendohet të jetë me shumë mundësi sulmuesi anësor, Felipe Anderson, i cili do të lërë Lacion me parametër zero. Ndërsa emri tjetër është qendërmbrojtësi Rikardo Kalafiori i Bolonjës, 20-vjeçari që ka shpërthyer këtë sezon.