Edhe Gjermania ka mbështetur deklaratën nga Bashkimi Evropian për shqetësimin lidhur me operacionet e Policisë së Kosovës ku janë mbyllur institucionet paralele të drejtuara nga Serbia.
Ambasadori i Gjermanisë në Kosovë, Jorn Rohde deklaron se “Masat e njëanshme vetëm sa i hedhin benzinë zjarrit dhe janë pikërisht e kundërta e uljes së tensioneve”.
Pas SHBA-së, vjen reagimi i BE-së kundër Kosovës: Mos rrisni tensionet
Rohde shton se dialogu i udhëhequr nga Bashkimi Evropian midis Kosovës dhe Serbisë është vendi më i përshtatshëm për të adresuar këto çështje.
Ambasadori i SHBA-së në Kosovë, Jeffrey Hovenier, mbrëmë ka reaguar duke thënë se qeveria amerikane është thellësisht e shqetësuar me veprimet e fundit të Qeverisë së Kosovës.