“Le Parisien” shkruan se sulmuesi Kylian Mbappé ka zgjedhur të luajë për Real Madridin. “Beteja është e humbur”, thotë Le Parisien, duke aluduar se Kylian Mbappé ka dhënë sinjale të qarta javët e fundit.
Ai do të përpiqet ta mbyllë sezonin në mënyrën më të mirë të mundshme në Paris dhe t’i japë klubit nga kryeqyteti francez titullin e Champions League.
Mbappé arriti një marrëveshje në gusht me Nasser Al Khelaïfi, të cilit i premtoi t’i falte 80 milionë euro (bonus besnikërie) në mënyrë që Paris Saint Germain të mos pësonte dëm ekonomik në rast se ai nuk do të nënshkruante përfundimisht rinovimin e kontratës.
