Një grup protestuesish janë nisur në këmbë nga Drejtoria e Policisë së Tiranës në drejtim të Komisariatit Nr.1, në shenjë proteste pas arrestimit të disa qytetarëve.
Të rinjtë kanë bllokuar përkohësisht qarkullimin e automjeteve, ndërsa disa drejtues mjetesh janë ndalur dhe i kanë përshëndetur në shenjë solidariteti.
Më herët gjatë ditës, gjashtë protestues u arrestuan pas protestës së zhvilluar para Kuvendit dhe u shoqëruan drejt Komisariatit Nr.1, çka ka sjellë reagime dhe tubim të ri në shenjë kundërshtimi.
