Greqia po bëhet e gatshme që të shpejtojë dhe modernizojë procedurat për marrjen e lejeëndrimit në mënyrë që emigrantët e ligjshëm të futen menjëherë në tregun e punës.
Ministria e Emigracionit dhe Azilit është duke vlerësuar kornizën juridike për emigracionin e ligjshëm, për ta çuar së shpejti në Kuvend.
Nga ky ligj emigrantët shqiptarë do të jenë përfitues duke qenë se bëjnë pjesë të 60% të tët ardhurave në mënyrë të ligjshme.
Në Greqi numërohen afërsisht 50 mijë refugjatë, ndërsa 700 mijë persona janë emigrantë të ligjshëm, shumica shqiptarë, gjeorgjianë dhe pakistanezë.
Për Greqinë, çështja e emigrantëve ka edhe një aspekt ekonomik. Në rast se vendi nuk do të arrinte të shfrytëzonte gjithë të vjelat e ullinjve – që arrijnë në 23% – për shkak të fuqisë punëtore, humbjet ekonomike vlerësohet se do të arrinin në 1,5 miliard euro.
