Dështon interpelanca e kërkuar nga grupi i Lulzim Bashës me kryeministrin Edi Rama për akuzat e Arben Ahmetajt për kreun e qeverisë për inceneratorët. Edi Rama nuk ishte në parlament për shkak të vizitës së Blinken dhe ia delegoi Elisa Spiropalit.
Deputeti Arbër Agalliu tha se duhet të përgjigjet vetë Rama. Grupi i Sali Berishës pa Bardhin në krye të përjashtuar, bllokoi foltoren me pankarta dhe me bilbila duke mos lejuar zhvillimin normal të seancës.
Pjesë nga debati
Lindita Nikolla: Garda largohuni, përfaqësues të opozitës ju lutem zini vendet. Në mungesë të kryeministrit për shkak të vizitës së zotit Blinken, interpelanca me zotin Agalliu i është deleguar zonjës Elisa Spiropali.
Arbër Agalliu: Është kërkuar kryeministri Rama. Duhet të jetë ai. Sot nuk mund të fshihet as pas Elisës dhe as pas sekretarit Blinken. Ka ditë…
Lindita Nikolla: Kryeministri ka angazhime më të mëdha sot, kjo nuk është në dëshirën tuaj. Lërini bilbilat dhe zini vendet tuaja.
