Ish-ylli i Barcelonës dhe i futbollit botëror, Dani Alvesh ka marrë dënimin me 4 vite e 6 muaj burg, pasi u shpall fajtor për përdhunim të një gruaje në një klub nate në Spanjë.
Gjykata e Katalonjës urdhëroi që Alves t’i paguajë viktimës 150.000 euro.
“Hetimi vlerëson se është vërtetuar se viktima nuk ka dhënë pëlqimin për aktin dhe se ka prova, përveç dëshmisë së paditësit, për të cilësuar dhunimin e cilësuar abuzim” thuhet në njoftimin e gjykatës.
Mbrojtësi i djathtë brazilian i ka mohuar akuzat dhe mund të apelojë vendimin.
Alves më parë pranoi se kishte bërë seks me një grua në një klub nate të Barcelonës në dhjetor 2022, por këmbënguli se ishte konsensuale.
