Kryetari i Partisë së Lirisë, Ilir Meta denoncoi dhe akuzoi qeverine per dhune ndaj protestueve te tubimit te 20 Shkurtit ne Tirane.
“Mesazhi i protestës madhështore ishte se populli është shumicë dhe ora e llogaridhënies për një grusht penamrrësish po afron. Jo vetëm drejtësia por edhe Kuvendi po vijohet që të mbahet peng me ligje të posacme dhe përjashtime staliniste, që është kthyer në noter që miraton ligje në llogari të oligarkëve.
I tillë ishte edhe miratimi i ligjit të shumë kontestuar nga opozita dhe BE i ligjit për zonat e mbrojtura që së shpejti do të kthehen në resorte dhe komplekse pallatesh. Pasojat do të jenë shumë të rënda. Tërheqja e amnistisë ishte një tjetër dëshmi, si kuvendi është marrë peng nga Rama, ku ligjet futen dhe hiqen sipas axhendave dhe pazareve të ulëta politike” tha ai.
