Ish-ministri i shëndetësisë Ilir Beqaj është paraqitur rreth orës 15:30 në SPAK në zbatim të masës së caktuar nga GJKKO për detyrim paraqitjeje në kuadër të hetimeve për koncesionin e sterilizimit.
Pas përfundimit të seancës Beqaj i është përgjigjur gazetarëve në lidhje me seancën e sotme. Sipas tij SPAK ka 2-3 muaj që nxjerr pengesa artificiale.
“Që në dhjetor pas seansës së parë, kemi kërkuar që të njihemi me përmbajtjen e dosjes e cila është voluminoze, kërkesë kjo që na është pranuar. Por edhe pse ka më shumë se dy muaj SPAK na ka krijuar pengesa artificiale për të penguar dosjen.
Avokatët i janë drejtuar me një kërkesë prokurorit, Erjon Bani dhe do të doja që ai të vepronte me shpejtësi” tha Beqaj.
