Ditën e sotme pritet të inaugurohet baza ushtarake e NATO-s në Kuçovë, në të cilën prej dy vite punimesh tashmë është ngritur një infrastrukturë moderne për avionët luftarakë të Aleancës.
Kryeministri Edi Rama ka ndarë informacione shtesë duke njoftuar se dronët Bayraktar të blerë nga Turqia do të bëjnë fluturimin e parë në ceremoninë e hapjes së bazës ajrore.
“Mirmëngjes dhe me disa momente nga montimi i dronëve Bayraktar, që do të bëjnë fluturimin e parë në ceremoninë e çeljes së bazës së re ajrore të NATO-s sot në Kuçovë” shkruan Rama në rrjetin e tij social Facebook, teksa ndan dhe disa pamje.
