Inteligjenca ruse po përdor një agjent serb për të depërtuar në institucionet e BE-së dhe për të përhapur pika pro-Kremlinit rreth pushtimit të Ukrainës, sipas një njoftimi të inteligjencës perëndimore të parë nga Politico.
Media italiane raporton se dyshimet janë tek shtetasi serb i quajtur Nociva Antiç, një “agjent aktiv i ndikimit” i cili me vetëdije ka punuar ngushtë me agjencinë ruse të sigurisë, sipas dokumenteve, ai zhvilloi takime me zyrtarë evropianë në Bruksel dhe në veçanti, deputetë të Parlamentit Evropian.
Sipas njoftimit të inteligjencës perëndimore të parë nga POLITICO, Antić është një “agjent ndikimi” aktiv për Shërbimin Federal të Sigurisë të Rusisë, i njohur si FSB.
Antić punon ngushtë me një bashkëpunëtor të FSB-së të quajtur Vyacheslav Kalinin, një shtetas rus dhe kryeredaktor i Veteran News, një faqe interneti mediatike e specializuar në lajme për veteranët e forcave të armatosura. Një skedë “Rreth nesh” në faqen e internetit thotë se Veteran News është një “partner informacioni” i FSB-së dhe Ministrisë së Mbrojtjes Ruse, midis degëve të tjera të forcave të sigurisë ruse.
Rusia po e përdor Serbinë si një pikënisje për operacionet e ndikimit të dizajnuara për të dobësuar ndjenjat pro-BE dhe pro-NATO brenda vendit, si dhe brenda Bashkimit Evropian, i cili ka qenë një mbështetës i vendosur i Ukrainës që nga pushtimi i plotë i Rusisë dy vjet më parë. Antiq ka përdorur rolin e tij si kreu i sindikatës ushtarake të Serbisë për të kritikuar presidentin serb Aleksandar Vuçiç dhe anëtarët e lartë të forcave të armatosura të vendit.
