Dy persona kanë përfunduar në pranga në Vaun e Dejës, Shkodës, pasi në kuadër të operacionit “Tempulli 2” rezultoi se shisnin kanabis dhe kokainë.
Sipas uniformave blu në makinën e tyre u gjet një pako me 1000 fara kanabisi si dhe një sasi doze kokainë.
“Në vijim të kontrolleve të bazuara në inteligjencën policore dhe të kryera në kuadër të megaoperacionit antidrogë të koduar “Tempulli 2”, specialistët për Hetimin e Krimeve të Komisariatit të Policisë Vau i Dejës, në fshatin Kryebushat, i kanë bërë shenjë ndalimi automjetit tip “Opel”, me drejtues shtetasin F. M. dhe pasagjer shtetasin K. K.
Nga kontrollet fizike ndaj 2 shtetasve dhe në automjet, shërbimet e Policisë gjetën një pako me 1000 fara cannabisi dhe një sasi lënde narkotike kokainë, të ndarë në doza, që posedoheshin nga këta shtetas, me qëllim shitjen” njofton policia.
