Ditën e sotme pritet që të mblidhet Parlamenti i Shqipërisë me seancën që është planifikuar për në orën 10:00.
Në rendin e ditës do të diskutohet projektligji për “burimet ujore” si dhe ai për “Turizmin”. Në planin e sotëm është dhe projektligji për “Investitorët Strategjikë”.
Nuk dihet sesi do të jetë situata ditën e sotme në Kuvend, duke marrë parasysh dhe atë që ndodhi ditën e djeshme ku Rithemelimi vijoj me bllokimin e seancave dhe me shumë mundësi pritet i njëjti skenar sot.
Si pasojë 3 deputetë u përjashtuan nga Komisioni i Etikës. Bëhet fjalë për Flamur Nokën, i cili u përjashtua me 30 ditë nga punimet e Kuvendit, Bledjon Nallbati me 20 ditë dhe Saimir Korreshi me 5 ditë.
