Ergys Verdho është emëruar drejtor i përgjithshëm i Hekurudhës Shqiptare. Lajmi është konfirmuar nga burime zyrtare të Ministrisë së Infrastrukturës dhe Energjisë.
Verdho ka qenë më parë drejtor i Autoritetit Rrugor Shqiptar dhe në qershor të vitit 2021 u emërua në krye të KESH, duke zëvendësuar në këtë detyrë Benet Becin, i cili dha dorëheqjen për shkak të kandidimit për deputet.
Gjatë drejtimit të KESH, Verdho u përball me krizën energjitike, gjatë së cilës u krijuan shumë vështirësi për sigurimin e energjisë elektrike.