Një grabitje ka ndodhur gjatë natës së mbrëmshme në Tiranë.
Siç bëhet me dije nga policia një argjendari është grabitur tek “Rruga e Dibrës” ndërsa autori është ende i pa identifikuar.
Deri më tani dyshohet se janë vjedhur bizhuteri me vlerë 10 milionë lekë të vjetra.
Mësohet se hajduti ka mundur të hyjë në argjendari nga pjesa e sipërme e tarracës, ka krijuar një vrimë dhe ka depërtuar brenda.
“Më datë 14.03.2024, në Rrugën e Dibrës, gjatë natës, persona ende të paidentifikuar, kanë vjedhur disa aksesorë floriri, në argjendarinë e shtetases S. K. Grupi hetimor po punon për identifikimin dhe kapjen e autorëve të ngjarjes” thuhet në njoftimin e policisë.
