Dita e Verës është pritur me një atmosferë të veçantë edhe në qytetin e Korçës ku të rinjtë e kanë nisur festën siç e do tradita duke ndezur zjarrin e madh.
Siç thonë ata ky zjarr ndizet për të larguar shpirtrat e këqij dhe më pas zjarri kapërcehet nga pjesëmarrësit.
Përveç festimeve zjarret kanë dhe aspektin negativ i cili është ndotja e shumtë e ajrit, sidomos kur zjarret më të shumtë ndizen me goma makinash të cilat emetojnë disa herë më tepër ndotje në ambient. Ku jo në pak raste re të mëdha tymi mbulojnë këto zona.
Vendosja e veroreve në shtëpitë e qytetarëve është një prej traditave që vjen bashkë me Ditën e Verës, ku penjtë të bardhë dhe të kuq të dredhur me njëri tjetrin vendosen si aksesorë në duar si një shenjë për mbarësinë dhe bollëkun.
