Këtë të enjte ka ndërruar jetë Ragip Jashari, njëri nga bashkëluftëtarët e momenteve të fundit të Adem Jasharit.
Lajmi është bërë i ditur nga familjarët e të ndjerit me anë të një postimi në Facebook.
“Familjar, miq, bashkëluftëtarë, shokë e dashamirë, me pikëllim te thellë ju njoftojmë se sot me (14.03.24) ka ndrru jetë axha, Ragip Jashari”, thuhet në njoftimin e familjarëve.
Ragip Jashari nga Prekazi, kishte luftuar përballë forcave serbe së bashku me Adem Jasharin, pak para se komandanti legjendar të vritej.
