Mbrëmja e djeshme ishte tragjike. Katër persona ndërruan jetë në një aksident të rëndë që ndodhi në aksin rrugor Tepelenë-Memaliaj.
Paraprakisht dyshohet se ishte një makinë tip “Mercedes Benz” që po lëvizte me shpejtësi jashtë normave të lejuara nën drejtimin e Riza Rrapajt që humbi kontrollin dhe si pasojë u përplas me dy automjete të tjera që po lëviznin në drejtim të kundërt me të.
Nga përplasja e fortë viktimë mbeti vetë Rrapaj dhe 3 anëtarë të një familjeje që ndodheshin në makinën tip Toyota, konkretisht Lavdosh dhe Lefteri Begaj, burrë e grua dhe Afërdita Begaj.
Të plagosur në gjendje të rëndë kanë mbetur Lavdie Meta dhe Jani Meta të cilët ndodheshin në makinën e tretë që u përfshi në aksident.
Bilanci i aksidentit
Të vdekur
Riza Rrapa 42 vjeç
Lavdosh Begaj 62 vjeç
Lefteri Begaj 57 vjeç, gruaja e Lavdoshit
Afërdita Begaj rreth 90 vjeç e ëma e Lavdoshit
Të plagosur
Jani Meta rreth 60 vjeç
Lavdie Meta, 61 vjeç
