Ledjona Xheladinaj feston sot ditëlindjen dhe banorët e shtëpisë më të famshme në Shqipëri, “Big Brother VIP 3”, i kanë kënduar këngën e ditëlindjes.
Madje ajo ka dalë mbrëmë në oborr ku ka parë edhe fishekzjarrët që janë hedhur surprizë për të.
Por jo vetëm kaq, pasi Ledjona mori gjithashtu edhe disa dhurata nga banorët, në formë shakaje por edhe mjaft kuptimplota. Roza Lati i ka dhuruar asaj disa bizhuteri të vetat, duke e emocionuar shumë atë me këtë veprim.
Nga ana tjetër, nuk kanë munguar as shakatë nga ana e Meriton Mjekiqit dhe Ilnisa Agollit që i kanë dhuruar asaj një kupë kafeje bosh, ndërsa Julian Deda i ka dhuruar një kruajtëse veshësh.
Madje duket se Ilnisa është bërë paksa xheloze për këtë, pasi thotë se asaj nuk iu bë asnjë dhuratë kur kishte ditëlindjen, ndërsa Ledjonës po.
