Deputetja Albana Vokshi nga foltorja e Kuvendit i kërkoi kryetares Lindita Nikolla që t’i dalin në mbështetje gazetares Ambrozia Meta, pasi “kryeministri i cenoi integritetin fizik”.
“Publiku është ndeshur me një akt të cenimit të integritetit fizik të një gazetareje nga kryeministri, pasi e lëshuan nervat nga pyetjet e gazetares Ambrozia Meta, Ramën e lëshuan nervat duke i cenuar integritetin fizik të saj.
Është një gjest frikacaku, i një të pa burri. Kush është ai që të prekë vajza, gazetaret në detyrë. Asnjë nga deputetet socialiste nuk guxoi që të dilte dhe të solidarizohej. Asnjë ministre. Po a keni vajza në shtëpi?
Po sikur dikush të prekte vajzat tuaja a do të reagonit? Mendoni pak për vajzat tuaja. Hajde ndërpresim seancën dhe miratojmë rezolutën kundër dhunës ndaj gazetares” tha ajo.
