Ish-kryeministri Sali Berisha ka dërguar rekurs në Gjykatën e Lartë ku kërkon heqjen e masës së sigurisë “arrest shtëpie” të cilës i nënshtrohet prej datës 20 dhjetor 2023, afërsisht tre muaj.
Nëpërmjet avokatëve Berisha kundërshton ashpërsimin e masës së sigurisë nga detyrim paraqitje dhe ndalim dalje jashtë shtetit në arrest në shtëpi, të lëna në fuqi nga Gjykata e Posaçme e Shkallës së Parë dhe Apeli i GJKKO.
Rekursi është regjistruar 3 ditë më parë me 20/03/2024 ku gjyqtari RELATOR pritet të jetë Sokol Binaj, por ende nuk është caktuar një datë dhe orë për shqyrtimin e rekursit.
