“Kam shoqëruar një makinë, nuk e dija se çfarë po transportonte. Më thanë se do të shkonim në Tiranë, por jo se do të shisnim armë”.
Kështu ka deklaruar efektivja e policisë së burgjeve, Denisa Halilaj që u arrestua dje së bashku me katër persona të tjerë pasi u kapën duke transportuar armë nga Shkodra në Tiranë për t’i shitur.
Efektivja e ka pranuar se ka shoqëruar makinën që u gjetën armët, por ka theksuar se nuk kishte dijeni. Katër të tjerët e arrestuar Denis Hasaj, Marjan Hasaj, Redi Nika dhe Sabian Hasaj nuk kanë pranuar që të flasin.
Policia sekuestroi nëntë armë zjarri në një valixhe, grupi hetimor pritet të analizojë në mënyrë të detajuar 5 aparatet e tyre celular për të zbardhur prova të tjera për veprimtarinë kriminale.
