Grupi Parlamentar i Partisë Socialiste me në krye Bledi Çuçin i ka paraqitur një kërkesë Kryetares së Kuvendit, për krijimin e një Komisioni të Posaçëm Parlamentar me fokus koordinimin dhe mbikëqyrjen e të gjitha përpjekjeve institucionale për të luftuar dezinformimin dhe format e tjera të ndërhyrjes së huaj në proceset demokratike në Shqipëri.
Sipas Çuçit ky Komision i Posaçëm parlamentar vjen pas marrëveshjes ndërmjet Shqipërisë dhe SHBA-ve, rekomandimet e BE-së dhe deklaratës së Samitit Ukrainë-Evropë Juglindore mbajtur në Tiranë.
Pas kësaj, kryeministri Rama ka rishpërndarë në rrjetin social “X” deklaratën e Çuçit duke u shprehur se kjo është “shumë e rëndësishme për të ecur përpara me shpejtësi të plotë”.
Very important to move on with full speed🇦🇱 https://t.co/VqRjtZw6oD
— Edi Rama (@ediramaal) March 28, 2024