Paraditen e sotme fermerët në Fier janë ngritur për të protestuar pas uljes së çmimit të luleshtrydheve duke bllokuar rrugën dhe kanë hedhur produktet e tyre.
Ata pohojnë se për kultivuesit e luleshtrydhes ky është viti më i keq pasi kurrë më parë më parë nuk ka ndodhur që në këtë periudhë të vitit çmimi të arrijë deri në 50 lekë për kilogramë.
Përballë kësaj situate fermerët kanë kundërshtuar fuqishëm dhe politikat e pikave të grumbullimit të cilat sipas tyre po e vendosin çmimin sipas dëshirës teksa apelojnë njëzëri për të gjitha institucionet përgjegjëse që tu vijnë në ndihmë në këtë situatë të vështirë që po i çon drejt falimentimit.
