Mbrëmjen e sotme një sherr mes disa të rinjve ka degraduar në plagosje me leva dhe thika. Ngjarja ka ndodhur në lagjen ‘Uznovë’, Berat, ku shkak është bërë një gërvishtje makine dhe më pas ka filluar përleshja.
Kanë qenë dy vëllezërit Donald dhe Denis Destani, përkatësisht 29 dhe 25-vjeç,ata që pasi kanë zbritur nga mjeti i tyre, kanë thyer me leva xhamat e automjetit të shtetasit Xhuljano Hyraj,27-vjeç, automjetit tip Ford Fokus, me targa AA 562 CS.
Pas kësaj, dy vëllezërit dhe Xhuljano Hyraj janë konfliktuar me thika e leva, derisa i kanë ndarë.
Bëhet me dije se Donald Destani ka marrë plagë thike në shpatull, ndërsa Xhuljano Hyraj ka marrë goditje me levë në kokë. Fatmirësisht ata janë jashtë rrezikut për jetën.
Pas mjekimit ata do shoqërohen në Komisariatin e Policisë Berat, ku do të merren në pyetje në lidhje me ngjarjen.
