Për vrasjen e dy vëllezërve Besmir dhe Viktor Haxhia në Durrës, është dënuar nga gjykata me 25 vite burg Klevis Alla.
Ndërkohë gjykata ka vendosur pafajësinë për Altin Ndocin.
Ngjarja lidhet me dy atentate të ndodhura 2020-tën, ku u qëlluan dy vëllezërit Besmir e Viktor Haxhiaj dhe Anxhelo Avdia e Dorian Shkoza.
Në momentin e atentatit dy vëllezërit kanë qenë duke udhëtuar me makinë ku Besmir Haxhia ka qenë në sediljen e shoferit ndërsa Viktor Haxhia pasagjer në sediljen e përparme.
Në telefonin e Besmir Haxhisë hetuesit kanë gjetur një mesazh ku thuhej “Po të pres te tregu i makinave në Shënavlash” dhe nga hetimet ka rezultuar se mesazhi është dërguar nga Klevis Alla.
Gjatë marrjes në pyetje Klevis Alla është shprehur se në këtë ekzekutim janë përfshirë Altin Ndoci, Nuredin Dumani dhe Talo Çela.
