Mbrëmë, Presidenca e Kosovës priti në një takim tre udhëheqësit e vendit me ambasadorët e vendeve të QUINT-it, si dhe shefin e Zyrës së BE-së në Kosovë.
“Takimi i Presidentes Osmani, Kryetarit Konjufca dhe Kryeministrit Kurti bashkë me ambasadorët e shteteve të Quint-it lidhur me anëtarësimin e Kosovës në Këshillin e Evropës”, tha Presidenca.
Megjithatë, asnjë njoftim zyrtar nuk është lëshuar nga asnjëri prej institucioneve që udhëheqin Osmani, Konjufca e Kurti. Po ashtu, as nga vetë QUINT.
Ambasadorët e Francës, Gjermanisë, Italisë, Mbretërisë së Bashkuar dhe Shteteve të Bashkuara ishin ndër më të zëshmit në kërkesën e tyre ndaj Kosovës që të zbatojë vendimin e Gjykatës Kushtetuese për regjistrimin e pronës së Manastirit të Deçanit.
