Dy persona janë arrestuar dhe 4 të tjerë janë proceduar në gjendje të lirë nën akuzën se ushtronin veprimtarinë e paligjshme të vënies së basteve sportive, nëpërmjet celularëve.
Lidhur me këtë rast, policia njofton se gjatë operacionit u sekuestruan në cilësinë e provës materiale, 5 celularë që shërbenin për këtë veprimtari të paligjshme.
U arrestuan: E. R., 31 vjeç, dhe R. M., 40 vjeç, të dy banues në Tiranë. Gjithashtu, nisi procedimi në gjendje të lirë për shtetasit Gj. D., 60 vjeç, A. A., 40 vjeç, A. E., 47 vjeç, R. Ç., 23 vjeç, të gjithë banues në Tiranë.
Materialet procedurale i kaluan Prokurorisë, për veprime të mëtejshme.
