Policia ka arrestuar 30-vjeçarin, Erindi Lubishta, i cili dyshohet se tentoi të grabisë dje një pikë këmbimi valutor në Durrës.
Në momentin e arrestimit, i riu kishte me vete edhe pistoletën lodër, që përdori gjatë tentativës së grabitjes.Në cilësinë e provës materiale, policia informon se u sekuestruan pistoleta lodër dhe veshjet që ka patur autori i dyshuar, gjatë ngjarjes.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.